Acclimatization.....????

"പൊരുത്തപെടലുകള്‍ക്കുമപ്പുറം ചില ചോദ്യങ്ങള്‍ മാത്രമാണ് അവശേഷിക്കുന്നത്....."അല്ലെന്കില്‍ തന്നെ നീലകണ്ഠന് നീണ്ടു നിവര്‍ന്നുറങ്ങാന്‍ ആറടി പോരേ ടോ,,,,,?"

യാത്ര (A Journey to Void)

          "ഒരു ഞെട്ടലോടെ മാത്രാണ് നിന്നെ കുറിച്ച് ഓർക്കാനാവുന്നത്,അപകടങ്ങളിൽ നിന്നും പല കുറി തിരിച്ചു വന്ന നിന്നെ കുറിച്ച് ഞാൻ അറിഞ്ഞിട്ടുണ്ട്,മുറിവേറ്റ അടയാളങ്ങളോടെപ്പോഴും ചിരി മാത്രമായിരുന്നു നിൻറെ മറുപടി. പുതുക്കലുകൾ ആവശ്യമില്ലാത്ത സൗഹൃദങ്ങൾ അനുഭവിച്ചിട്ടുള്ളത് കൊണ്ട് പരിചയക്കാർ ഏറെ ഉണ്ടെങ്കിലുംവളരെ ചെറിയ സുഹൃത്തു വലയം മാത്രമാണ് എനിക്ക് ചുറ്റുമുണ്ടായിരുന്നത്.

          പാതി മുറിഞ്ഞ പഠന കാലത്തിനുശേഷം വല്ലപ്പോഴും മാത്രമാണ് നിന്നെ കണ്ടിട്ടുള്ളത്, എങ്കിലും ഓര്മയിലെവിടെയോ പച്ചപിടിച്ച ആ പഠനകാലത്തേ സഹപാഠികളുടെ മുഖങ്ങളിൽ നിനക്ക് എന്തോ പ്രേത്യേകത ഉണ്ടായിരുന്നു...ഒരുപാട് പറയുവാനാണെങ്കിൽ നിന്നെ കുറിച്ച് എനിക്ക് അധികമൊന്നും അറിയില്ലാ..

         നാട്ടിലെത്തിയ ഡിസംബറിലെ ഈ കഴിഞ്ഞ അവധിക്കാലത്തു ആലുവയിൽ നിൽക്കുമ്പോൾ പുറകിൽ എൻെറ തോളിൽ ഒരു കൈ വച്ച് "എടാ...ടി ആറേ"......എന്ന് വിളിച്ചു കെട്ടി പിടിച്ചു പിന്നേം ഞെട്ടിച്ചു, പറഞ്ഞറിയിക്കാൻ ആവുന്നതായിരുന്നില്ല ആ അനുഭവം,

        എൻറെ യാത്രകളിൽ ഒരു പക്ഷേ  സ്വയം യാത്ര തിരഞ്ഞെടുത്തു മടങ്ങിയ നിന്നെ ഞാൻ തിരയുമായിരിക്കും,ഇനി കാണില്ല എന്നറിഞ്ഞിട്ടും....ഉള്ളിൽ ദഹിക്കാത്ത ഒരു വിങ്ങൽ മാത്രം കൂട്ടുകാരാ......"      

പുച്ഛം (Scorn)

 

" മരത്തിൽ പിടിച്ചു കയറി കുന്നിൻ മുകളിൽ
  ആ മരത്തിനു ഒപ്പമോ അതിലും ഉയരത്തിലോ എത്തിയപ്പോൾ
  ആ മരത്തെ തന്നെ പുച്ഛത്തോടെ നോക്കി, ആ മനുഷ്യൻ
  ........................................................................................... "

ആത്മഗതം (Monologue)

താടിയും മുടിയും വളർന്നു പോയിരിക്കുന്നു

ഒരു രണ്ടു വർഷം എങ്കിലും ആയി കാണും

സ്വന്തം മുഖം തന്നെ ഒന്ന് കണ്ടിട്ട്

വല്ലാത്ത ഭാരം അനുഭവപ്പെടുന്നുണ്ട് ശിരസ്സിൽ

ഒന്ന് കുടഞ്ഞു കളയാൻ തോന്നുന്നുണ്ടിപ്പോ

പല്ലിയും പഴുതാരയും മുതൽ എല്ലാം ഉണ്ടായിരുന്നു

എന്നാൽ കൂടുതൽ ഭാരമേറിയവ പരിഹാസങ്ങളും

പരാതികളും കണക്കുകളും ആയിരുന്നു

കുഴിവെട്ടി മൂടിയിട്ടും കത്തിച്ചിട്ടും

അവയുടെ രൂപമോ ഭാരമോ കുറഞ്ഞില്ല

അപ്പോഴാണ് തിരിച്ചറിഞ്ഞത്......

മുറിച്ചു മാറ്റപ്പെട്ട മുടിമുകുളങ്ങൾ കിളിർത്തിരുന്നു,

മഷിത്തണ്ടുപോലെ ആർദ്രമായി......

"ഞാൻ അരൂപിയായി മാറിയിരുന്നു...." (Amorphous)

 

"ഒടുവിൽ ഞാൻ വെറും ചാരമാകും

ഒരു മൺ വെട്ടി കൊണ്ട് നീക്കം ചെയ്യപ്പെടുകയോ

വലിച്ചെറിയപ്പെടുകയോ ചെയ്യും.....

ചിലപ്പോ കുറച്ചു പൊടിപടലങ്ങൾക്കൊപ്പം

കാട്ടിലൂടെ ദിക്കറിയാതെ സഞ്ചരിക്കും.....

എങ്കിലും മഴേ , എൻറെ പ്രിയേ

നീയൊന്നുമാത്രം എന്നെ പിടിച്ചു നിർത്തുന്നു

എന്നിലവശേഷിക്കുന്ന പ്രണയം തിരിച്ചറിഞ്ഞ പോലെ....

അപ്പോഴേക്കും ഉടലു നഷ്ടപ്പെട്ട്

 ഞാൻ അരൂപിയായി മാറിയിരുന്നു...."

Ashes....("ആചാരം=ആ+ചാരം",......ഞാനും ചാരമാകുന്നു..!!

 

 

 

" Finally i will became ash

some will thrown by a hand shovel

Some will travel with the wind

oh rain, my love you are the only one

who keeps me,

the place i want to be..."

" നിദ്ര " (Lethargy)

" നിദ്ര അതൊരു തുരുത്ത് ആയിരുന്നു, 

  തുഴഞ്ഞെത്താൻ ഇനിയും സമയമെടുക്കുന്ന ഒരു തുരുത്ത്..

  മഞ്ഞുമുടിയ വൃക്ഷത്തലപ്പുകളുടെ നിഴലുകളാൽ ഇരുണ്ട അന്ധമായ ഇരുട്ടിലൂടെയാണ്   യാത്ര അങ്ങ് ദൂരെ കേൾക്കുന്ന മൃദു സ്വരം ആവാം ഒരു പക്ഷേ ലക്ഷ്യം.

  ആ മൃദു സ്വരം നിശയുടെയോ പുലരിയുടെയോ 

  അതോ പണ്ട് കൈതോല പായയിൽ അമ്മൂമ്മയുടെ മടിയിൽ ആകാശവാണിയിലെ        

  പേടിപ്പിക്കുന്ന ശബദ രേഖകൾ ശ്രേദിക്കുമ്പോൾ എന്നും മരണത്തിന്റെ മണം   

  ഒര്മിപ്പിക്കാറുള്ള ആ ചാണകം മെഴുകിയ വീടിൻറെ തെക്ക് ദിക്കിലിരുന്നു വിളിച്ച 

  കുയിലെന്നു ഞാൻ വിചാരിച്ച കൊക്കിറിയാൻ പക്ഷികളുടെ.....ക്ഷണമാണോ അറിയില്ല 

  കാരണം ഇവിടെല്ലാം ഇരുട്ടാണ്‌.....

  കട്ട പിടിച്ച ഇരുട്ട്........"

സ്നേഹപൂർവ്വം 

സുജീഷ്